Bi herrlichem Bärgwätter hei mir s’Rauflihorn vor Alp Fieldrich us bestige. Dr Ufstieg het üs einigi Schweisstropfe g’choschtet. Er isch rächt stotzig u bietet weni Schatte. Dr ungergehend Vollmond het üs zeigt, wo mir häre müesse. Dobe si mir mit erä herrliche Rundsicht belohnt worde. Ä Schwarm Flugameise hei üs de chli vom Gipfu vertribe u so hei mir üses Pic-Nic chli gäg abe verleit. Abgstige si mir über die glichi Rute u das isch ziemli id Wadli gange. Im Stärne z’Oey Diemtige hei mir de bim nä chüele Bier die unfaufrei bewäutigti Tuur lo usklinge.

Wale Tanner